உண்மையான மன்னிப்பு என்றால் என்ன? – ஒரு ஆழமான பார்வை

காட்சி 1 : முற்பிறவியில் நபர் ‘அ‘ நபர் ‘ஆ‘ க்கு தீங்கு விளைவித்து அவருக்கு 5 அலகுகள் வலியைக் கொடுத்தார் என்று வைத்துக்கொள்வோம். இதனால் அங்கு ஒரு கர்மக் கணக்கு உருவாக்கப்படுகிறது, அதில் ‘அ‘ நபர் ‘ஆ‘ நபரிடமிருந்து 5 அலகு வலியைப் பெற வேண்டும். சில காரணங்களுக்காக அக்கணக்கு அப்பிறவியில் தீர்க்கப்படாவிட்டால், அது அடுத்த பிறவிக்கு மாற்றப்படும். எனவே, அடுத்தடுத்த பிறவியில் நபர் ‘ஆ‘ மற்றும் நபர் ‘அ‘ இருவரும் ஒன்றாக ஒரு சூழ்நிலையிலிருக்க தள்ளப்படுவார்கள். இந்த சூழ்நிலையில், நபர் ‘ஆ‘ (அவரது கொடுக்கல் வாங்கல் கணக்கு மையத்தின் தாக்கத்தால்) நபர் ‘அ‘ க்கு 5 யூனிட் வலி அல்லது கஷ்டத்தை கொடுப்பார்.

காட்சி 2 : நபர் ‘ஆ‘ இப்பிறவியில் முதல்முறையாக ‘அ‘ நபரை சந்திக்கிறார் என்றும் முற்பிறவிகளில் அவருடன் எந்த தொடர்பும் இல்லை என்றும் வைத்துக்கொள்வோம். இப்போது நபர் ‘ஆ‘, இப்பிறவியில் 5 யூனிட் வலியைக் கொடுத்து ‘அ‘ நபருக்கு தீங்கு விளைவித்தால், அவர் ‘அ‘ நபருடன் புதிய கர்ம கொடுக்கல் வாங்கல் கணக்கைத் தொடங்குகிறார்.

எவ்வாறு இந்த இரண்டு காட்சிகளும் ‘அ‘ நபர் ‘ஆ‘ நபரை மன்னிக்கும் திறனை பாதிக்கிறது?

காட்சி 1 இல், இப்பிறவியில், நபர் ‘அ‘ க்கு 5 யூனிட் வலியை திருப்பி அளித்த பிறகு, அவர் (நபர் ‘அ‘) நபர் ‘ஆ‘வை மன்னிப்பதை எளிதாகக் கருதுவார். இதற்குக் காரணம் ‘ஆ‘ நபர் கணக்கைத் தீர்த்து வைப்பதால் தான். மேலும் ‘அ‘ நபரின் ஆழ்மனதானது அதன் கொடுக்கல்–வாங்கல் கணக்கு மையத்திலுள்ள இக்கணக்கு, தீர்க்கப்பட்டதாக கருதுகிறது.

இருப்பினும், காட்சி 2 இல், நபர் ‘ஆ‘ வால் புதிய கணக்கு உருவாக்கப்படுவதால், நபர் ‘அ ‘ நபர் ‘ஆ‘வை மன்னிப்பது மிகவும் கடினமானதாக இருக்கும்.

மன்னிப்பு, கர்மவிதி மற்றும் கொடுக்கல் வாங்கல் கணக்கு

மன்னிப்பு, கர்ம விதி, மற்றும் கொடுக்கல் வாங்கல் கணக்கு ஆகியவற்றில் ஆளுமை குறைகளினால் ஏற்படும் தாக்கம்

ஒருவருக்கு கோபம், பழிவாங்கும் குணம் போன்ற அதிகமான ஆளுமை குறைகளோடு, அதிக அகம்பாவ உணர்வான கர்வமும் இருந்தால், மன்னிக்கும் அல்லது தவறுக்கு வருந்தும் திறன் வெகுவாகக் குறைந்துவிடும். ஒருவரின் ஆளுமையானது 98% அவரது முற்பிறவியின் எண்ணப்பதிவுகளிலிருந்து பெறப்படுகிறது.

அத்தகையவர்கள் ஒருவரையொருவர் காயப்படுத்தும் போது, எதிர்மறையான கொடுக்கல் வாங்கல் கணக்குகளின் மூலம் ஒரு தீய சுழற்சியில் மாட்டிக்கொள்கிறார்கள். ஒருவரையொருவர் கஷ்டப்படுத்துவது பந்தாட்டம் போல் பல பிறவிகளில் தொடரும். ஆளுமை குறைகள் கணக்குகளைத் தீர்க்க அனுமதிக்காது, மாறாக உண்மையில் அவற்றை அதிகரிக்கவே செய்யும். இது எவ்வாறு நிகழ்கிறது என்பதற்கான எடுத்துக்காட்டு கீழே கொடுக்கப்பட்டுள்ளது.

மேலே உள்ள எடுத்துக்காட்டில் இருந்து காட்சி 1 க்கு மீண்டும் செல்வோம், அங்கு ‘ஆ‘ நபர் ‘அ‘ க்கு 5 அலகு வலியைக் கொடுக்க வேண்டும். ஆனால் ‘ஆ‘ நபர் பல ஆளுமை குறைகள் மற்றும் அதிக அகம்பாவம் கொண்டிருந்ததால், 5 அலகுகளைக் கொடுப்பதற்குப் பதிலாக. ‘அ‘ நபருக்கு பாதகமான கர்மக் கணக்கை விகிதாசாரமற்ற முறையில் திருப்பிச் செலுத்துவார் (அதாவது அசல் 5 யூனிட் வலிக்கு பதிலாக 8 யூனிட் வலியை கொடுப்பார்), இதனால் நபர் ‘அ‘ உடன் ஒரு புதிய பாதகமான கர்ம கணக்கு உருவாக்கப்படும். அதை இப்பிறவி அல்லது அடுத்தடுத்த பிறவிகளில் தீர்க்கவேண்டும்.

4. மன்னித்தலில், தீய சக்திகளினால் ஏற்படும் தாக்கம்

வாழ்க்கையில் சில சமயங்களில், கொடுக்கல் வாங்கல் அல்லது கர்மக் கணக்கில் பங்கேற்பாளர்கள் இருவர் மட்டுமின்றி மூன்றவதாக ஒரு காரணியும் இருக்கலாம். தீய நோக்கம் கொண்ட, சூட்சும நிலையிலுள்ள, இவை தீயசக்திகள் என்று அழைக்கப்படுகின்றன.

இதை நாம் இங்கே சொல்லுவதன் காரணம், இன்றைய உலகில் இதுபோன்ற நிகழ்வுகளே முக்கியமாக நடக்கின்றன. ஆன்மீக ஆராய்ச்சியின் மூலம், தற்போதைய காலகட்டத்தில் உலக மக்கள்தொகையில் தோராயமாக 30% பேர் தீய சக்திகளால் ஆட்கொள்ளப்பட்டுள்ளனர். மேலும் தோராயமாக 50% பேர் அவர்களால் பாதிக்கப்பட்டுள்ளனர் என்பதைக் கண்டறிந்துள்ளோம். இதன் பொருள், உலக மக்கள் தொகையில் 80% பேர் தீய சக்திகளின் தாக்குதலுக்கு ஆளாகும் நிலையில் இருக்கிறார்கள். அவை அதிக அளவில் மக்களிடையே கருத்து வேறுபாடுகளை ஏற்படுத்துகின்றன.

இன்றைய உலகியல் தத்துவத்தின் படி போதுமான அளவு ஆன்மீக பயிற்சி மக்களிடையே இல்லாத காரணத்தால் தீய சக்திகள் அவர்களை ஆட்கொண்டு பாதிப்படையச் செய்கின்றன. மேலும் அவர்களின் ஆளுமைக்குறைகளான கோபம், பேராசை மற்றும் வெறுப்பு ஆகியவற்றையும் பயன்படுத்தி மக்களிடையேயும், சமூகத்திலும் பிரச்சினைகளை உருவாக்குகின்றன.

இரண்டு அல்லது அதற்கு மேற்பட்ட நபர்களுக்கு இடையே ஏற்படும் முரண்பாடுகளுக்கு பின்வருவன காரணமாக இருக்கலாம்:

• கொடுக்கல் வாங்கல் கணக்குகளை உருவாக்குதல் அல்லது தீர்த்து வைத்தல் : பெரும்பாலும் முந்தைய வாழ்வின் கொடுக்கல் வாங்கல் கணக்கைத் தீர்ப்பதற்காகவே பெரிய முரண்பாடுகள் ஏற்படுகின்றன. இப்பிறவியில் ஒருவன் எனக்கு தீங்கிழைத்ததாகத் தோன்றினாலும், முற்பிறவியில் அவனுக்கு முதலில் தீங்கிழைத்ததன் மூலம் எதிர்மறையான கர்மக் கணக்கைத் தொடங்கியவன் நான்தான் என்பதே உண்மையாகும். பொதுவாக, நமது மனைவி மற்றும் நெருங்கிய குடும்ப உறுப்பினர்களிடம் மட்டுமே அதிகபட்ச அளவு கொடுக்கல் வாங்கல் கணக்குகள் உள்ளன. எனவே தான் அவர்களிடம் நாம் வாழ்வில் அதிகபட்ச இன்பம் மற்றும் துன்பத்தை அனுபவிக்கின்றோம்.

• தீய சக்திகள் : பொதுவாக, மக்களை ஆட்கொண்டிருக்கும் இந்த சூட்சும சக்திகள் அவர்களிடையேயுள்ள மோதல்கள் அல்லது பாதகமான சூழ்நிலைகளைப் பயன்படுத்தி, மேலும் முரண்பாடு மற்றும் பகையை உண்டாக்குகின்றன.

5. ஆன்மீக பயிற்சி எவ்வாறு மன்னிக்க உதவுகிறது

ஆரம்பத்தில், எந்தவொரு முரண்பாட்டிற்கும் காரணமான சூட்சும மற்றும் ஆன்மீகக் காரணங்களை (ஸ்தூல/உளவியல் காரணிகளுடன் சேர்த்து) முழுமையாகப் புரிந்து கொண்டு, மக்கள் தங்கள் கோபத்தையும் வெறுப்பையும் சமாளித்து முன்னேற உதவும் ஒரு தத்துவ கண்ணோட்டத்தை ஆன்மீக பயிற்சி அளிக்கிறது. மேலும் சிலர் மற்றவர்களை விட எளிதாக மன்னிப்பதை பற்றிய சூட்சும ஞானத்தையும் வழங்கும்.

இயல்பாகவே மன்னிப்பு என்பது ஒரு ஆன்மீக விஷயம். இது கொடுக்கல் வாங்கல் கணக்குகள் மற்றும் விதி (கர்மா) ஆகியவற்றால் பாதிப்புக்குள்ளாகிறது. நாம் ஏற்கனவே பார்த்த காட்சி 1 ல் நபர் ‘அ’ மற்றும் ‘ஆ‘ ஏற்பட்டது போல ஆன்மீகக் காரணங்களே ஒரு பிரச்சனையின் மூல காரணமாக இருந்தால், அதை சரி செய்ய அல்லது சமாளிக்க ஆன்மீகத் தீர்வுகளே சிறந்ததாகும்.

உலகளாவிய தத்துவங்களின்படி பாதகமான விதியை வெல்ல ஆன்மீக பயிற்சியே சிறந்த ஆன்மீகத் தீர்வாகும். இது பாதகமான விதியை அழிகிறது. எனவே இது எப்படி நடக்கிறது என்பதை அறிய காட்சி 1 இல் உள்ள உதாரணத்தைப் பார்ப்போம்.

உலகளாவிய தத்துவத்தின்படி ஆன்மீகத்தை பயிலுவதே மன்னிக்கும் மனப்பான்மையை அதிகரிப்பதற்கான சிறந்த நீண்டகால ஆன்மீகத் தீர்வாகும். நாங்கள் கடவுளின் நாமஜபம் செய்ய பரிந்துரைக்கிறோம். இது ஆழ் மனதில் உள்ள எதிர்மறையான கொடுக்கல் வாங்கல் எண்ணப் பதிவுகளை நீக்கி தூய்மையாக்குகிறது. மேலும் ஆளுமை குறைகளை களையும் செயல்முறையைப் பயிற்சிப்பது ஆளுமை குறைகளைக் குறைக்கவும், ஒருவரின் குணங்களை மேம்படுத்தவும் உதவும். இதனால் ஒருவர் மற்றவர்களை மன்னிக்கவும், சிறந்த மனிதராகவும் விளங்க முடியும்.

5.1 மன்னித்தல் பற்றிய வேறு கேள்விகள்

1. மன்னிக்க மற்றும் தன்னை விடுவிக்க முடியாத பாவம் ஏதேனும் உள்ளதா?

பதில்: இல்லை. மற்றவர்களுக்கு துன்பத்தை ஏற்படுத்திய செயல்கள் அனைத்தும் ஒருவரது ஒட்டுமொத்த கணக்கு அல்லது சஞ்சித கர்மாவில் சேர்கிறது. ஒருவன் அவனுடைய சில பிறவிகளில், விதியாக அவனது செயல்களுக்கு ஏற்ற துன்பத்தை அனுபவிக்க வேண்டும்.

2. கடவுளுக்கு எதிரான பாவம் என்றால் என்ன?

3. நான் எப்படி( எவ்வாறு) கடவுளிடம் மன்னிப்பு தேடுவது?

பதில்: ஆன்மீக பயிற்சியின் 6 அடிப்படைக் கொள்கைகளுக்கு இணங்க ஆன்மீக பயிற்சியை மேற்கொள்வதன் மூலம் அதற்கு தீர்வு காணலாம்.

4. காட்சி 1 ன் அதே உதாரணத்தை எடுத்துக் கொண்டால் (பிரிவு 3 இல் மேலே கொடுக்கப்பட்டுள்ளது), நபர் ‘ஆ‘ ஆன்மீக பயிற்சி செய்து மோக்ஷம் அல்லது முக்தியை அடைந்தால், நபர் ‘அ‘ உடனான கணக்கு என்னவாகும்?

பதில்: அத்தகைய சந்தர்ப்பத்தில், நபர் ‘அ‘, நபர் ‘ஆ‘ இன் மூலம் எந்த துன்பத்தையும் அனுபவிக்க மாட்டார், மேலும் அவரது விதியின் காரணமாக யாரும் துன்பத்தை அனுபவிக்காமல் கடவுள் பார்த்துக்கொள்வார்.

6. முடிவுரை

மன்னிக்கும் மனப்பான்மை மற்றவர்களை மட்டுமல்ல, பெரும்பாலும், நம்மையும் விடுவிக்க உதவுகிறது. ஒருவர் ஆன்மீக பயிற்சியைச் செய்யும்போது, ​​மன்னிப்பது எளிதாகிறது. மேலும் மன்னிப்பது மற்றும் மறப்பது ஆகிய இரண்டு அம்சங்களும் விரைவான ஆன்மீக வளர்ச்சியை அடைய உதவுகின்றன. தீய எண்ணங்கள், பழிவாங்கும் தன்மை மற்றும் அதன் தீவிரம் கணிசமாகக் குறைந்து, ஒருவர் மகிழ்ச்சியான வாழ்க்கையை வாழ முடியும்.